Мэндчилгээ

               Даяаршлалын өнөөгийн эринд, дэлхий нийтээрээ эдийн засаг бизнесийн идэвхтэй орчинд бүтээн босголт өрнүүлэн, баялаг бүтээж байна.
    "Тайж" групп нь, эх орныхоо сэргэн мандал, шинэчлэл өөрчлөлт, Монгол хүний сайн сайхны төлөө чиглэсэн, өргөн цар хүрээ бүхий үйл ажиллагааны чиглэлийг сонгон, өөрийн гэсэн өнгө төрх шингэсэн, олон талт үйл ажиллагаа явуулж хувь нэмрээ оруулсаар ирэв.
    Ялангуяа, компаний зохистой засаглалыг тэргүүн чиглэл болгох, нийгмийн хариуцлагыг дээшлүүлэх, бизнесийн ёс зүй, үндсэн зарчмыг дээдлэн нийгэм, хүн ард, байгаль орчинд ээлтэй, тогтвортой хөгжлийн чиг баримжаатай, ил тод байдлыг эрхэмлэн ажиллаж хяналт, хариуцлагын тогтолцоог улам боловсронгуй болгох, бизнесийн орчин, ажиллагсадынхаа ахуй амьдрал, мэдлэг чадварыг дээшлүүлэхэд хүрсэн түвшин, олсон ололтоо улам бататгахад анхаарч байгаа билээ.
    "Үйлдвэржилт", "Хүн ба технологийн эвсэл" -ийн асуудлыг төрийн бодлого, шинжлэх ухаан, инновацийн түвшинд ач холбогдол өгч буй энэ үед тус Групп нь, барилга байгууламж барих, хүнсний үйлдвэрлэл явуулж техник, технологи дамжуулах, эрдэм шинжилгээ, худалдаа үйлчилгээний чиглэлээр явуулах бүхий л үйл ажиллагаагаа менежментийн багаар хэрэгжүүлж, салбарынхаа тэргүүлэгч байгууллага, хамт олон байх болно.
    Та бүхэн манай групп, салбар компани, нэгжүүдийн бүтэц, зохион байгуулалт, эрхэм зорилго, үйл ажиллагааны үндсэн чиглэл, ололт амжилтын талаар энэхүү танилцуулгаас зохих мэдээллийг авч, бидэнтэй хамтын ажиллагаагаа
өргөжүүлэн, "Сайхан Монгол" орон, хүн ардынхаа ирээдүй, сайн сайхны төлөө нэгэн санаа, зорилготой ихийг бүтээнэ гэдэгт итгэлтэй байна.




"Тайж" группийн Ерөнхийлөгч, Монгол
Улсын Аж үйлдвэрийн гавьяат ажилтан         
                         Л.Ганпүрэв